د سټنډرډ ملي ادارې عمومي رئیس او ورسره مل پلاوي د اوسپنې د ویلي کولو له یو شمیر فابریکو څخه څارنه او لیدنه وکړله
د سټنډرډ ملي ادارې عمومي رئیس الحاج ملا فیض الله "تمیم"په کابل ولایت کې د اوسپنې او فولادو تولید له یو شمېر فابریکو څخه لیدنه وکړه. په دې کتنه کې له عمومي رئیس سره د سټنډرډ ملي ادارې تخنیکي چارو مرستیال مفتي محمد حامد، مالي او اداري چارو مرستیال مولوي عطاءالله فرید، رئیسانو او اړوندو مسوولینو هم حضور درلود.
دغه غونډه د هېواد له کورنيو معيارونو سره سم د سيخ ګل او ساختماني اوسپنې د توليد د څارنې، د صنعتکارانو او د فابريکو خاوندانو د هڅونې او د کورنيو توليداتو په برخه کې د خصوصي پانګونې د جلبولو په موخه جوړه شوې وه.
ښاغلي الحاج ملا فیض الله تمیم د یادې فابریکې د تولیداتو د معیاري کولو په اړه لازمې سپارښتنې وکړې او یادونه یې وکړه؛ د سټنډرډ ملي اداره هوډ لري چې د هېواد په بازارونو کې د خامو موادو د قاچاق او د جعلي توکو د پلور مخه ونیسي. هغه دغه راز. مفتي محمد حامد تخنیکي چارو مرستیال د څارنې په بهیر کې پر دوامداره څارنې او روڼتیا ټینګار وکړ.
