د سټنډرډ ملي ادارې د لوی رییس په مشرۍ اداري غونډه جوړه شوه.
شنبه
۱۳۹۹/مرغومی/۲۰
د سټنډرډ ملي ادارې د لوی رییس ښاغلي عزیز احمدزي په مشرۍ اداري غونډه جوړه شوه. په دغه غونډه کې د دې ادارې مرستیال، سلاکارانو، رییسانو او د دې ادارې اړونده مسوولینو ګډون درلود.
په غونډه کې ښاغلي احمدزي د چارو په انسجام او همغږئ ټینګار وکړ او ترڅنګ یې د دې ادارې یو شمېر لومړیتوبونه واضیح کړل. نوموړي په اداره کې د ننه د چارو د لا غوراوي په موخه کارکوونکو ته د دوی د مکلفیتونو د ښه تعقیب او درک سپارښتنه وکړه. هغه د تصدیق پاڼو (سرټیفکشن) د وېش، د مټرولوژۍ او نورو مهمو مواردو د طرزالعمل پر ژر نهايي کېدو ټینګار وکړ. ښاغلي احمدزي په دې برخه کې د اړونده مسوولینو د چارو د پرمختګ د څرنګوالي راپورونه او نظرونه واورېدل.
د غونډې پر مهال مالي او اداري مرستیال هم خبرې وکړې او اړونده مسوولینو د تېرې یوې اونۍ د فعالیتونو راپور وړاندې کړل. دغه راز د غونډې ګډونوالو په روانه اونۍ کې له رهبرۍ پلاوي څخه د چارو د لا غوراوي په موخه یو شمېر سپارښتنې او نظرونه هم ترلاسه کړل.
