د زرنج ښار تیل پلورونکي: د لوړ کیفیت تېل واردول د هیواد د اقتصادي کچې په لوړولو کې مهم رول لوبوي.
زرنج، د رجب المرجب ۱۴ مه/د سلواغې ۱۶مه
د نيمروز د سټنډرډ ملي ادارې آمر، مولوي عطاء الله اغا "ابرار" د باختر آژانس له سيمهييز خبريال سره د يوې مرکې په ترڅ کې نيمروز ته د بېکيفيته تېلو د واردېدو د مخنيوي په اړه وويل، چې د ا.ا مشرتابه ملي سوداګرو ته سپارښتنه کړې ده، ترڅو هېواد ته د بې کیفيته تېلو د واردولو څخه ډډه وکړي؛ ځکه د بې کیفيته تېلو په واردولو سره به زموږ هیوادوال له ګڼو اقتصادي او چاپیریالي ستونزو سره مخ کړي.
ښاغلي ابرار زیاته کړه، چې د نیمروز ملي سټنډرډ د ادارې له پلټنې وروسته په تېره یوه میاشت کې ۳۳ د تېلو بېکیفیته تېل وړونکو ټانکرانو چې د ورېښمو د پُله له لارې هېواد ته داخل سوي وو، بېرته مسترد کړي دي.
