د افغانستان د خونو فدراسیون مرستیال د سټنډرډ ملي ادارې له لوی رییس سره وکتل.
د افغانستان د خونو فدراسیون مرستیال خانجان الکوزي د سټنډرډ ملي ادارې له لوی رییس ښاغلي ذبیح الله زیارمل سره وکتل. دغه لیدنه چې په سټنډرډ ملي اداره کې ترسره شوه، د کندهار ولایت د پانګونې او سوداګرۍ خونې رییس او یو شمېر سوداګرو هم په کې برخه درلوده.
خانجان الکوزي د سټنډرډ ملي ادارې د لوی رییس په توګه د ښاغلي زیارمل په ټاکل کېدلو سره نوموړي ته مبارکي ورکړه او په چارو کې یې ورته بریا وغوښته. الکوزي د حکومت له باور او د خصوصي سکټور څخه د ښاغلي زیارمل په ټاکنه کې د ولسمشر له پاملرنې مننه وکړه او نوموړی یې د خصوصي سکټور او حکومت تر منځ ارتباطي پل یاد کړ.
د ناستې په اوږدو کې د خصوصي سکټور پر ستونزو او په هېواد کې پر سوداګر او پانګونه بحث وشو او په دې برخه کې بېلا بېلې حل لارې وړاندې شوې.
