د سټنډرډ ملي ادارې د چاپېریال سټنډرډونو د جوړونې تخنیکي غونډه جوړه شوه
د سټنډرډ ملي ادارې د چاپېریال ساتنې سټنډرډونو د جوړونې تخنیکي کمیټې غونډه، د ملي سټنډرډونو او ودانیزو کوډونو د جوړونې او رواجولو رئیس مولوي محمد حنیف، د دې کمیټې رئیس پوهاند عبدالغیاث صافي او د کمیټې د نورو غړو په ګډون ددې ادارې د تخنیکي غونډو په تالار کې جوړه شوه.
په دې غونډه کې د "د ودانیو او ساحو د فاضه اوبو د لېږد وسایلو سټنډرډ (برخه ۲: د مدفوعې څخه پاکو فاضله اوبو د لېږد تجهیزات)" د مسودې په اړه بحث او نظریات تبادله وشوه. په یاده غونډه کې ددې سټنډرډ مهم تخنیکي ټکي وڅېړل شول او په پایله کې یې یاد سټنډرډ نهایی شو.
د فاضله اوبو د تصفیې موخه، د چاپېریال له ککړتیا څخه مخنیوی او د هغې د بیا ځلې کارونې لپاره چمتو کول دي، چې ددې لپاره له فزیکي، کیمیاوي او بیولوژیکي میتودونو څخه د ضرري موادو د لرې کولو لپاره کار اخیستل کېږي.
د سټنډرډ ملي اداره ژمنه ده چې د چاپېریال اړوند سټنډرډونو جوړونې او تطبیق ته دوام ورکړي، تر څو د هېواد د اوبو د سرچینو ساتنه وشوي او د خلکو روغتیا ته خوندي وي.
