د سټنډرډ ملي ادارې د یو شمېر تشوو بستونو د ازموینې پروسه ترسره شوه
د سټنډرډ ملي ادارې د درې (۳) مسلکي بستونو لپاره د ازموینې پروسه په شفافه او عادلانه توګه د د سټنډرډ ملي ادارې د کارکوونکو د چارو امر محترم مفتي فضل الرحمن منصور، د اداري اصلاحاتو کمېسیون استازي او د اړوندو برخو مسئولینو په حضور کې ترسره شوه.
په دې ازموینه کې چې د ودانیزو توکو د لابراتوار عمومي مدیر، د ودانیز لابراتوار تکنیشن او د ودانیزو توکو د سټنډردونو د تطبیق د څارنې کارپوه بستونه پکې شامل وو، لسګونه په شرایطو برابر کسانو له یو بل سره سیالۍ ترسره کړه.
د سټنډرد ملي اداره د دې ادارې په جوړښت کې د مسلکي او متخصصو کسانو د جذب ژمنه لري او د وړ کسانو ګمارنه د تشوو بستونو لپاره د ازادې سیالۍ له لارې دوام لري.
