د ودانيزو توکو د تثبیت او کنټرول پروسه په دوامداره توګه د هېواد په بنادرو کې روانه ده
د سټنډرډ ملي اداره د هېواد د بندرونو په کنټرولولو سره د ټیټ کیفیت ودانیزو توکو د ننوتلو مخه نیولې او هڅه کوي چې د خپلو ګرانو هېوادوالو د روغتیا او خوندیتوب او د لګښت کوونکو د ګټو د تامین لپاره د بې کیفیته توکو مخه ونیسي.
د ۱۴۰۳ لمریز کال د چنګاښ(سرطان) په میاشت کې د هېواد په (۵) لکه فراه ٧٨ میل، هرات، حیرتان، آقینې او تورخم بندرونو له لارې په ټولیزه توګه (٤٢٩٤) محمولې توکي چې وزن یې (١٧٠٣١١.٦٢) ټنه کیږي او (٢٧٩) محمولې پي وي سي، کاشي او ایزوګام چې وزن یې (٥٩٦٢٤٣) متر مربع متراژه کیږي تثبیت کیفیت شوي دي
همدارنګه (١) محموله ودانیز توکي چې وزن یې (٧٧.٤٨) ټنه کيږي د سټنډرډونو خلاف تثبیت کیفیت شوې ده.
