*په سټنډرډ ملي اداره کې د کیفیت د مدیریت سیستم د سټنډرډونو د جوړونې اړوند غونډه ترسره شوه
پدې غونډه کې د اړوندې کمیټې رئیس او غړو ګډون درلود چې د تخنیکي غونډو په تالار کې جوړه شوې وه.
پدې غونډه کې د تفتیش اصولو او د صادراتو او وارداتو لپاره د خوراکي توکو د تصدیق پاڼو د ویش (CAC/GL 20-1995) سټنډرډ په مسودې، د چاپیریال د مدیریت سیستمونو د سټنډرډ په مسودې- اړتیاوې له د کارونې له لارښوونو سره، تخینکي اصلاحیې ۱ (ISO14001:2015/Amd.1:2024) او د (14001:2015) ملي سټنډرډ باندې بحث او د نظرونو تبادله وشوه.
CAC/GL 20-1995 سټنډرډ بیلابیلو هېوادونو سره مرسته کوي څو د خوراکي توکو د خوندیتوب سیستمونه او د خوراکي توکو د وارداتو او صادراتو څېړنو ته وده ورکړي.
ISO 14001:2015 سټنډرډ له بنسټونو سره مرسته کوي څو د چاپیریال اړوند فعالیتونه ښه کړي او ددې سټنډرډ له اغیزمنې کارونې سره د چاپیریال فعالیتونه ښه کیږي او په چاپیریال کې منفي اغیزې کموي.
