په سټنډرډ ملي اداره کې د کیفیت مدیریت سټنډرډونو په اړه غونډه جوړه شوه
د سټنډرډ ملي ادارې د کیفیت مدیریت سټنډرډونو د جوړونې تخنیکي کمېټې غونډه د ملي سټنډرډونو او ودانیزو کوډونو د جوړونې او رواجولو رئیس مولوي محمد حنیف، د اړوند کمېټې رئیس او غړو په ګډون ددې ادارې د تخنیکي غونډو په تالار کې ترسره شوه.
په دې غونډه کې د غیر تخریبي ازمایښت د مرکزونو د کیفیت مدیریت سیستم د رامنځته کولو لپاره د سټنډرډ د کړنلارې په سټنډرډ
(ASTM E1212:2017) او نورو ورته موضوعاتو اړوند د کمېټې غړو تر منځ بحث او نظرونه تبادله وشوه.
د کیفیت مدیریت سټنډرډونه د لارښودونو او سټنډرډونو یوه ټولګه ده چې د محصولاتو او خدمتونو کیفیت لوړوي، د کړنو په ښهوالي کې مرسته کوي او د پیرودونکو د رضایت زیاتېدو سبب ګرځي.
