د سټنډرډ ملي ادارې یو شمېر کارکوونکو د انګلیسي ژبې ازموینه ورکړه
د سټنډرډ ملي ادارې له یو شمېر کارکوونکو څخه د انګلیسي ژبې د زده کړې مېاشتنۍ آزموینه واخیستل شوه. دغه آزموینه د کارکوونکو چارو امریت، د ظرفیت لوړونې او ښوونې عمومي مدیریت لخوا د یو کلن ډیپلوم پروګرام په لړ کې ترسره شوه.
یاده برنامه، چې څلور میاشتې مخکې پیل شوې، د یو کال لپاره به دوام وکړي. دا پروګرام د کارکوونکو مسلکي وړتیاوو د لوړولو او د نړیوالو معیارونو سره د همغږۍ په موخه تنظیم شوې، ترڅو ګډونوال وکولی شي د انګلیسي ژبې مهارتونه لا ښه کړي او په خپلو کاري چارو کې ترې ګټه واخلي.
د سټنډرډ ملي ادارې مشرتابه له دې زده کړیزې برنامې څخه هرکلی کړی او د کارکوونکو د دوامداره پرمختګ او روزنې پر اهمیت یې ټینګار کړی دی.
