د سټنډرډ ملي ادارې د رهبرۍ پلاوي غونډه ترسره شوه.
سه شنبه ۱۳۹۹/وږي/۱۱ د سټنډرډ ملي ادارې د تخنیکي مرستیال خواجه جاوید صدیقي په مشرۍ د رهبرۍ پلاوي غونډه ترسره شوه. په دغه غونډه کې اړونده رییسانو او امرینو برخه درلوده او د خپلو وروستیو فعالاتونو راپورونه یې غونډې ته وړاندې کړل. ښاغلي صدیقي پر وخت او د غوره اجرائاتو په تړاو هر اړخیزه خبرې وکړې او په وینا یې چې مونږ ژمن یو، څو خپلې دندې تر پخوا په ښه ډول ترسره کړو او په هېواد کې واقعي ځای ته د دې ادارې د رسولو لپاره د ادارې د ټولو برخو رښتینو هڅو ته اړتیا لري. د دې ترڅنګ د سټنډرډ د نړیوالې ورځې د لمانځنې، د ادارې تقنیني اسنادو، له سعودي عربستان هېواد سره د هوکړې، د روان کال د منظور شوې او راتلونکي کال پراختیايي بودجې په تړاو خبرې اترې وشوې. د غونډې په پای کې ښاغلي صدیقي تاکید وکړ چې د ادارې چارې دې په غور او دقت ترسره شي.
