د سټنډرډ ملي ادارې د رهبرۍ پلاوي اونیزه غونډه ترسره شوه.
شنبه
۲۲/ لیندۍ/ ۱۳۹۹
د سټنډرډ ملي ادارې د لوی رییس عزیز احمدزي په مشرۍ د رهبرۍ پلاوي اونیزه غونډه ترسره شوه. په دغه غونډه کې د دې ادارې مرستیالانو، سلاکارانو، ریسسانو او اړونده مسوولیونو برخه درلوده.
د غونډې په پیل ښاغلي احمدزي د اړونده مسوولینو د تېرې یوې اونۍ د فعالیتونو او لاسته راوړنو راپور واورېد او پر اړونده مسایلو یې خپل نظر او لارښوونې وړاندې کړي. نوموړي د سرټیفکشن (تصدیق پاڼې)، د خوراکي توکو د لابرتواري خدمتونو د پیل او د دې ادارې پر تشکیلاتي پلان خبرې وکړې. هغه و ویل دا مهم مسایل دي او په خبره یې په دې برخه کې جدي عمل کوي.
د دې ترڅنګ اړونده مسوولینو یو شمېر پلانونه او طرحې له رهبرۍ او د غونډې له ګډونوالو شریک کړل چې ښاغلي احمدزي یې په اړه نظر وړاندې کړ او لازمې سپارښتنې یې وکړې.
