د سټنډرډ ملي ادارې او د ازبکستان د سټنډرډ جوړونې، مټرولوژۍ او تصدیق پاڼو اژانس تر منځ انلاین ناسته ترسره شوه.
د سټنډرډ ملي ادارې او د ازبکستان د سټنډرډ جوړونې، مټرولوژۍ او تصدیق پاڼو اژانس تر منځ انلاین ناسته ترسره شوه چې د دې ادارې لوی رییس ښاغلي ذبیح الله زیارمل، د تخنیکي ریاست عمومي رییسې ساناز سلیمي، د پلان او پالیسۍ رییس رحمت الله ولي، د مټرولوژۍ امر رضا خادمي او د ازبکستان د سټنډرډ جوړونې، مټرولوژۍ او تصدیق پاڼو اژانس مشر په کې ګډون درلود. په دغه ناسته کې په دوه اړخیزه تخنیکي همکاریو بحث او نظرونه وړاندې شول.
د دغې ناستې په پیل کې د کیفیت ملي بنسټ په برخه کې د اړیکو پیاوړتیا په څرنګوالي، په اقتصادي او سوداګریزو اړیکو کې د تخنیکي خنډونو د له منځه وړلو، د محصولاتو له تعویض د ډاډ ترلاسه کول او د خلکو پر ژوند او روغتیا د هغو مصونیت، د محصولاتو د مطابقت ارزونې د پایلې د پېژندنې په موخه د یوه قانوني اساس د ایجاد لپاره تمایل، د ملي او نړیوالو پېژندل شوو اصولو او ضوابطو پر بنسټ د دواړو هېوادونو د نافذه قوانینو او مقرراتو په چوکاټ کې د سټنډرډ جوړونې او مټرولوژۍ په برخه کې پر همکارۍ ټینګار وشو چې له نېکه مرغه دواړو لورو د تخنیکي همکارۍ په برخه کې علاقه وښوده چې ټاکل شوې ده په نږدې راتلونکي کې د دواړو لورو ترمنځ هوکړه لاسلیک شي.
د یادونې وړ ده چې د دغه هوکړه لیک موخه د لورو ترمنځ د همکارۍ برابرول په ځانګړې توګه د سټنډرډ جوړونې او د مطابقت ارزونې د پایلو پېژندل او مټرولوژي ښودل شوې ده.
